10-03-2011 - 2010/2011 Gefaarlike oergong fan Froukje Annema It stik spilet yn in boetyk yn 'e binnestêd fan Ljouwert, Afke hat lêst fan de oergong. Der bart fan alles, fandalisme, ynbrekkers, ynslûpers en sa mear. Afke hat lêst fan alle ûngeduerigens dy't de oergong meibringe kin. Har
man hat net folle each mear foar har, mar wòl foar de sifers fan de
beurs. Hy hat as ôflieding foar har in boetyk kocht, dy't se mei nocht
(en mei in learlinge) driuwt. Boppe de boetyk wennet in âldere feint,
dy't krekt wer in nije freon oantúgd hat, mar de learlinge, Trynke, fynt
dat hy har better as freondinne hawwe kin. Om't Trynke in Westereinske
is, kreaket it wol as se ôfwiisd wurdt. Afke fynt it tanimmend
stedsfandalisme dat ek by har taslacht benearjend. By buorfrou Betty yn
de croissantery wurdt ynbrutsen en gâns fernield. Dit is reden foar
Afke, oantrune troch Trynke, om de oare nachts wacht te hâlden. Trynke
hat in hiel arsenaal oan middels ta ferwar meinaam. As der dy nachts twa
ynslûpers komme, binne dy gau oermastere. It is net sok frjemd folk
docht bliken, want Afke har man hie foar it earst fan syn libben in
slipperke mei in djoere eskortdame op tou set, en de boetyk as
leafdesnêst keazen... allegearre aksje fansels, mar: ein goed al goed!
Werom
|